Шахматшылар жеңісі
Қазақстан Республикасының Тұңғыш Президенті күніне орай техникалық және кәсіптік білім беру оқу орындарының білім алушылары арасында аймақтық дене тәрбиесі методикалық орталығының ұйымдастыруымен шахмат жарысы өтті.Оған Қазалы аграрлы – техникалық колледжінің дене тәрбиесінің оқытушысы Ерғазы Бақтиярдың жетекшілігімен бір топ шахматшылар қатысып, облыс бойынша бірінші орынды жеңіп алды. «Ғимараттар мен құрылымдарды салу және пайдалану» мамандығының І курс студенті Нартай Жаңғазиев “Үздік ойыншы” номинациясын иемденіп, арнаулы дипломмен марапатталды.
Осы жетістіктерге жетуге Ерғазы Бақтиярдың еңбегі зор. Мақтаулы маманға колледж директорының тәрбие ісі жөніндегі орынбасары Арман Мусаев алғыс айтып, алдағы уақытта жетістікке жете беруіне тілектестік білдірді.
Гүлнәз ҚАРАСАЙ
