Илья Ильин "Халық алғысы" медалімен марапатталды
"Халық алғысы" медалі мемлекет басшысы Қасым-Жомарт Тоқаевтың жарлығымен пандемиямен күресте ерекше көзге түскен азаматтарға берілді.Танымал қазақстандық спортшы Илья Ильинге "Халық алғысы" медалі табысталды. Бұл туралы спортшы Instagram желісінде хабарлады.
"Мен спортшы ретінде жеткен жеңістерім үшін бүкіл халықтың құрметі мен ризашылығын сезінемін, сондықтан бұл медальді үлкен құрметпен қабылдадым", - деп жазды спортшы.
Илья Ильинге медальді Қызылорда облысы әкімінің орынбасары Серік Ахметов табыстады.
"Серік Әбжәлиұлына құрметімді білдіргім келеді. Медаль карантин кезіндегі белсенді волонтерлік қызмет үшін берілді. "Халық алғысы" медалін алған барлық азаматты құттықтаймын. Игі істерді көбірек жасайық!", - деді Ильин.
Ол, сондай-ақ, жаңа бағыттарда табысты болып, ел мен әлем үшін игі істер жасағысы келетінін айтты. Қазір спортшы бес жобамен жұмыс істеп жатыр. Жобаны сапалы түрде іске асыру бағытында жұмыс істеп жатырмын, содан кейін жаңа мақсаттар қойылады, деді спортшы.
"ҚАЗАЛЫ" ақпарат
