Қазақстан – жаһандық даму жолында

Р.Бағланова атындағы мәдениет Орталығында "Нұр Отан" партиясының құрылғанына 19 жыл толуына орай мерекелік шара болып өтті.

Шараға "Нұр Отан" партиясы Қазалы аудандық филиалының төрағасы, облыстық, аудандық мәслихат депутаттары, саяси кеңес мүшелері, бастауыш партия ұйымының жетекшілері, дербес бөлім басшылары және БАҚ өкілдері қатысты. Партияның құрылған күніне орай ұйымдастырылған шараны аудан әкімі, аудандық партия филиалының төрағасы Ергешбаев Мұрат Нәлхожаұлы ашып, барша партия мүшелерін "Нұр Отан" партиясының құрылған күнімен және "Алғыс айту" күнімен құттықтады.

Мерекелік кеш аясында аудандық мәдениет Орталығының өнерпаздары патриоттық әндер айтып, аудандық орталық кітапхананың ұйымдастыруымен "Қазақстан - жаһандық даму жолында" атты кітап көрмесі және кітап инсталляциясы таныстырылып, барша көрермен қауымға көтеріңкі көңіл-күй сыйлады.