"Нұр Отан" партиясы Қазалы аудандық филиалының мәжіліс залында «Партия - Бұл Біз» тақырыбында арнайы іс-шаралар кешенін бірыңғай күн тәртібімен бекіту аясында «Партияны жаңғырту барысында БПҰ рөлі» атты бастауыш партия ұйымының жетекшілерімен жиналыс болып өтті.

Жиналысты "Нұр Отан" партиясы Қазалы аудандық филиалы төрағасының бірінші орынбасары Мәмбетжан Қасқырбек Өмірзақұлы ашып, жүргізіп отырды. Жиналысқа 36 бастауыш партия ұйымының жетекшілері, аудандық партия филиалының қызметктерлері мен БАҚ өкілдері қатысты. Жиналыстың күн тәртібіне қойылған мәселелер бойынша арнайы брошюралар таратылды.

Сондай-ақ күн тәртібіне қойылған "Нұр Отан" партиясының Үздік бастауыш партия ұйымы республикалық байқауын өткізу туралы ережені таныстыру, 2017 жылдын 12 айы бойынша аткарган жумыстары жөнінде мәлімет беру үшін аудандық партия филиалының есепке алу жане статистика секторының менгерушісі Кадирова Жанат Мұратбекқызы, арнайы партиялық жобаларды бірлесіп атқару және жандандыру жұмыстары бойынша аудандық партия филиалының консультанты Иманалиева Гүлдәрі Тасболатқызы хабарлама жасады.

Жиналыс барысында бастауыш партия ұйымының жетекшілері өз жоспарларын айтып, пікірлерін жеткізді. "Бүгінде «Нұр Отан» партиясының еліміздің ең басты саяси күшіне айналған партия екені сөзсіз. Партия тәуелсіздігіміз нығая түсу үшін, қоғамдағы бейбітшілік пен келісімді сақтау үшін, барлық қазақстандықтардың игілігінің арта түсуі үшін халықпен бірге қажымай-талмай жұмыс істеуде. Құрметті жиынға қатысушы бастауыш партия ұйымының жетекшілері, партия белсенділері! Партия жұмысының жандануына қосып жүрген белсенді үлестеріңіз бен қажырлы еңбектеріңіз, «Нұр Отан» партиясына сіңірген қызметтеріңіз үшін жұмыстарыңыздың табысты да жемісті болуына тілектеспін!" – деді аудандық партия филиалы төрағасының бірінші орынбасары Қасқырбек Өмірзақұлы жиналысты қорытындылап.