Жең ұшынан жалғасқан жемқорлықтың алдын алу шарасы
Қазақстан Республикасы Сыбайлас жемқорлыққа қарсы іс-қимыл агенттігінің Қызылорда облысы бойынша Департаментімен бекітілген кестеге Қазалы ауданында сыбайлас жемқорлықтың алдын алу шаралары өткізілді.«Ақмешіт – адалдық алаңы» жобалық кеңсесі аясында ағымдағы жылдың 26 тамызы мен 6 қыркүйегі аралығындаҚазалы қаласы, Әйтеке би кенті, барлық ауылдық округтерде және білім беру ұйымдарында түрлі форматтағы шаралар ұйымдастырылды.
Әрбір шара барысында қатысушыларға жемқорлық ауыр қылмыс екені айтылып, онымен күресуге әрбір азамат міндетті екені түсіндірілді. Видеороликтер көрсетіліп, жадынамалар таратылды. Сонымен қатар, қатысушылар өз ұсыныс-пікірлерін айтып, парасаттылық және адалдық құндылықтарын сақтаудың маңызды екенінен мысалдар келтірді.
Қазалы ауданы әкімінің баспасөз қызметі
