Ақтөбеде жылқы іздеп жоғалған азаматтар Қызылорда облысынан табылды

Ақтөбеде жылқы іздеп кетіп, жоғалған азаматтар аман-есен Қызылорда облысынан табылды деп хабарлайды NUR.KZ.
Олардың хабарсыз кеткеніне алаңдаған жақындары жанұшыра іздеген. Әлеуметтік желіден өздеріне іздеу салынғанын көрген азаматтар туыстарына хабарласыпты. Олар өздері жүрген аумақта байланыс жоқ болғандықтан, жақындарына өздерінің амандығын білдіре алмаған екен.
"Олар біздің шу көтергенімізге ұрысып жатыр. Ал біз екеуінің аман-есен табылғанына қуаныштымыз. Жақындарымызды іздеуге атсалысқандарға алғысым шексіз", - деді жоғалған азаматтардың туысы Асылханым Насиева