Қазалы Қазалы аудандық қоғамдық-саяси газет
» » Субұрқақ маусымы басталды

Субұрқақ маусымы басталды

Әйтеке би кентіндегі Қ.Пірімов көшесі бойындағы субұрқақтың жазғы маусымы басталды. Субұрқақтан аспанға атқылаған су түрлі түсті жарықтармен мың құбылып көз арбап, бейнебір судан сәуле шашылғандай әсер қалдырады.

Кешқұрым осында жиналған кент тұрғындары мен аудан қонақтарының қуанышында шек жоқ. Әсіресе, субұрқақ кішкентай балалардың уақытын тамаша өткізуге таптырмас орын болып отыр. Әсем де көрікті көше бойында асыр салған бүлдіршіндердің барлығы да мәз-мейрам.

Айта кетейік, Тәуелсіздіктің 25 жылдығы қарсаңында абаттандырылған Қ.Пірімов көшесінің бойында «Тәуелсіздікке 25 жыл» монументі, Жалаңтөс баһадүр мавзолейі, Бегім ана, «Асандар көтерілісі» құрбандарына арналған ескерткіштер мен тынығу орындары орналасқан.
Қазалы ауданы әкімінің баспасөз қызметі
20 маусым 2019 ж. 479 0

Жаңалықтар мұрағаты

«    Мамыр 2020    »
ДсСсСрБсЖмСбЖс
 123
45678910
11121314151617
18192021222324
25262728293031