KeshYou тобының экс-солисі Балжан Бидаш желідегі парақшасында соңғы уақыттарда орын алған саяси жағдайға қатысты қазақстандық жас ретінде пікір қалдырды. Жұрттың көзі ашық, біреуді алдайтын уақыт өтіп кетті, сондықтан бәрі әділ болатынына сенімді екенін жеткізді өнер иесі.

"Біз бай xалықпыз! Біреу біреуді алдайтын заман емес. Кәзір бәрінің көзі ашық. Енді алда бәрі орнына келетініне сенгім келеді", - деп жазды өнер иесі.

Жеке шығармашылығын қолға алған ару тыңдармандарына осылайша ұнап қалған. Елдегі жағдайға сараптама жасап, баға берген Балжан Бидаш жұртты таңқалдырды.

"Балжан Бидаш, сен маған әнші ретінде ұнайтын едің, енді тіпті қатты ұнайсың. Өнер иелеріне болып жатқан оқиғаны байқамағандай болуға болмайды", "Балжан, көзқарасың бар алғыр қыз екенсің. Жарайсың", "Жас болсаң да ойыңды білдіргенің қандай жақсы", - деп жазды жұрт.