Арқасынa пышақ сұғып алғанын аңғармай қалған жігіт жұртты таң қалдырды. Аталмыш шытырманға толы қанды оқиға Бразилия мемлекетінің қала тектес ауылдарының бірінде орын алған екен.

Элионардо Насименто есімді жігіт қанды оқиға орын алатын күні барға барып дем алып отырған. Содан соң арада белгісіз біреулермен кекілжің орын алса керек. Жанжал барысында біреу Элионардо Насиментоның арқасына пышақ сұғып алған.

Алайда Элионардо Насименто суық қарудың соққысын сезбей қалған екен. Оған маңайындағылар айтып берген. Оқиға орнына келген дәрігерлер мен тәртіп сақшылары таң қалған.

Дәрігерлердің айтуынша суық қару Элионардо Насиментоның еш қандай маңызды мүшесіне тимесе керек. Қазір оның арқасынан пышақты алып шыққан. Дені сау. Таяу күндері ол үйіне қайтады екен.