Жанқожа батыр атындағы №70 орта мектеп ұжымы Мемлекет басшысының "Төртінші өнеркәсіптік революция жағдайындағы дамудың жаңа мүмкіндіктері" атты Жолдауын ықыласпен қабылдады.

Мектеп басшысы Қ.Сермахан ұжым мүшелерін Жолдаудан туындайтын міндеттерімен оны іске асыру бойынша жүргізілетін жұмыстармен таныстырып өтті.

Бір байқағанымыз Жолдауда "Білім" сөзі 24 рет кездеседі екен. Бұл білім саласы басты назарда екенін көрсетсе керек. Әсіресе, мұғалімдердің жалақысы біліктілігінің расталуына байланысты 30 пайыздан 50 пайызға дейін өсетіні олардың мәртебелерін көтерді.

Атап айтқанда, олардың еңбегінің беделін көтереді және кәсіби біліктілігін одан әрі жетілдіруге ынталандырады. Президент осы мақсатта биыл қосымша 67 миллиард теңге бөлу керектігін айтты. Мұғалімнің әлеуметтік жағдайының жақсаруы – білімді оқушы, білікті мамандарды даярлаудың алғышарты. Жолдауда айтылған әрбір бағыттың берері көп. Тек соны тиімді пайдалануға күш салуымыз қажет.