Имандылыққа үндеді

Ү.Түктібаев ауылдық кітапхана­сының ұйымдастыруымен дін және дінтану саласын насихаттауға арналған «Имандылық жүрекке ұяласа...» атты дөңгелек үстел өткізілді.

Шараға «Орымбет ишан» мешітінің имамы Ғ.Ізат, ауылдық ардагерлер кеңесінің төрағасы С.Манауов, Батыр аналар Г.Бердиева, К.Жақып қатысып, балаларды имандылыққа тәрбиелеу жолында олардың ар-ұятын, намысын оятуда, мейірімділік, қайырымдылық, кішіпейілдік, адалдық, ізеттілік сияқты қасиеттердің маңызы зор екендігін атап өтті. Жас өскінді үлкенді сыйлауға, имандылыққа баулуды ешқашан естен шығармау қажет екендігіне тоқталды. Клуб сүйемелдеушісі Б.Салжекеновтің «О, дүние-ай» термесі жиналған­дарға көтеріңкі көңіл-күй сыйлады.