Жақында Ақсуат ауылында «Ақмырза ахун» мешітінің имамы Нұрлыбек Ормановтың ұйымдастыруымен екі дүние сардары, адамзаттың асыл тәжі болған, сүйікті Пайғамбарымыз Мұхаммедтің (c.ғ.с) туған айы «Мәуліт» мерекесіне арналған шара өтті.

Айтулы шарада ел ағалары мен ауыл әкімі Жұбатқан Аманшаұлы сөз алып, ыстық лебіздерін білдірді. Одан соң, «Жанқожа батыр» мешітінің бас имамы Берік Сүлейменов пайғамбарымыздың өмірбаяны туралы халыққа түсіндіріп, ауыл имамы Нұрлыбек Ормановқа елді имандылыққа шақырып жатқан үлесі үшін алғыс хат табыстады.

Пайғамбарымызды ұлықтауға байланысты өткен жиында діни әндер айтылып, бейнероликтер қойылды. Шараның жоғары деңгейде өтуіне Әміржан Кәдірбай, Бақнұр Мықтыбай, Ғарифулла Мәкен, Динара Ерланқызы, Перизат Кәдірбай сынды жастар атсалысты. Ал, Ғалымжан Мыңжасаров болса өз шығармашылығынан дініміз туралы термесін орындап, халықтың алғысын алды.