Слетке облыстық «Жас Отан» ЖҚ төрағасы Талғат Тілес, облыстық жастар саясаты мәселелері басқармасының бас маманы Абылайхан Сабанбаев жастар ұйымдарының жетекшілері, оқу орындарының белсенді студенттері қатысты.

5 желтоқсан – халықаралық еріктілер күні қарсаңында ұйымдастырылған слетте қоғам дамуына қосқан үлестері үшін ұйымдардың белсенді еріктілері марапатталды. Облыстық жастар саясаты мәселелері басқармасы басшысының алғыс хатын Абылайхан Сабанбаев табыстап, еріктілерді келе жатқан мерекесімен құттықтады.

Мұнымен қоса, «Нұр Отан» партиясының «English for jastar» жобасы аясында ерікті түрде, аймағымыздың ауылдық елді-мекендеріндегі 350 оқушысын ағылшын тіліне тегін оқытқан оқытушылар марапатталды. Облыстық «Жас Отан» Жастар қанатының төрағасы Талғат Тілес белсенді еріктілерді мерекесімен құттықтап, алғыс хаттар табыстады. Мұнан кейін слет арнайы дайындалған концерттік бағдарламамен жалғасты. Аймағымыздың жайдарманшылары әзілдерімен көрермендерді қуанышқа бөледі.