21 қарашаға арналған ауа райы болжамы
Астана, BAQ.KZ. Бүгін Қазақстанның басым бөлігінде қар жауады. Кей жерде екпінді жел соғып, тұман түседі және көктайғақ болуы ықтимал. Бұл туралы «Қазгидромет» РМК хабарлайды.Қостанай облысының кей жерінде жел соғып, тұман, көктайғақ күтіледі. Күндіз желдің жылдамдығы секундына 18 метр болады. Ақмола облысының кей жерінде бұрқасын күтіледі жел секундына 15-20 метр жылдамдықпен соғып, көктайғақ болады.
Қарағанды облысының кей жерінде тұман түсіп, көктайғақ блуы ықтимал. Шығыс Қазақстан облысының кей жерінде жел секундына 15-20 метр жылдамдықпен соғып, бұрқасын болады.
Алматы облысының кей жерінде түнде тұман күтіледі. Жамбыл облысында желдің жылдамдығы секундына 15-20 метр болып, түнде және таңертең көктайғақ болады.
Түркістан облысының кей жерінде тұман болып, желдің жылдамдығы секундына 15-20 метр болады. Қызылорда, Маңғыстау, Атырау, Батыс Қазақстан, Солтүстік Қазақстан облыстарының кей жерінде тұман, көктайғақ күтіледі. Ақтөбе, Павлодар облыстарының кей жерінде тұман түсуі мүмкін.
