Қазалы аудандық сотында Қазақстан Республикасы ҚК-нің 307-бабының 2-бөлігі 2) тармағымен айыпталған сотталушы А.-ға қатысты қылмыстық іс қаралды.

2017 жылдың қарашасы мен 2018 жылдың сәуірі аралағында Әйтеке би кентінде алдын ала келісу арқылы тергеумен анықталмаған С.-мен бірге адамдар тобы болып Қазақстан Республикасының "Ойын бизнесі туралы" 12.01.2017 жылғы Заңына қайшы әрекетке барып, ойын бизнесі саласындағы қызметті заңсыз ұйымдастырып, лицензиясыз жүзеге асырған.

Сот отырысы барысында А. өз кінәсін толық мойындады.

Сот үкімімен А. Қазақстан Республикасының ҚК-нің 307 -бабы 2- бөлігі 2) тармағы бойынша кінәлі деп танылып, оған осы бап бойынша 600 айлық есептік көрсеткіш, яғни 1 443 000 теңге мөлшерінде айыппұл түріндегі жаза тағайындалды.

Үкім заңды күшіне енбеген.