Қазалы Қазалы аудандық қоғамдық-саяси газет
» » Кім көп біледі?

Кім көп біледі?

Ертегілер оқу-бала қиялын дамытып, танымдық қабілеттерін арттырып, кітап оқуға деген қызығушылығын арттыра түседі. Осы мақсатта Əйтеке би кентіндегі №5 кенттік кітапхананың жəне Ы.Алтынсарин атындағы №204 мектеп жанынан ұйымдастырылған жазғы "Болашақ" лагерінің ұйымдастыруымен "Кім көп біледі" атты сайыс өтті.
Сынып жетекшісі Бибігүл Сейіт "Зерде сыны" бөлімінде ертегілер тарихы, ертелер түрлері туралы сұрақтар қойып, балалар оған жарыса жауап берді.
"Даналық əліппесі" бөлімінде №5 кенттік кітапхананың кітапханашысы Алмагүл Орынбай инновациялық сөйлейтін қалам арқылы ертегілерден үзінділер тыңдатты. Ертегінің тақырыбын тауып, үзіндіні жалғастырды.
"Жеті жұрттың тілін біл" бөлімінде жұмбақтар жасырылды. Қатысушылар жұмбақтың шешуін тауып, үш тілде айтып берді.
Сайысты кітапханашы А.Орынбай қорытындылап, кітап оқудың пайдасына тоқтады. Сайыс үстінде білімділігі мен зеректігі арқылы танылған оқушыларға мақтау қағаздары тапсырылды.
Жанаркүл СӘРСЕНБАЕВА
18 шілде 2018 ж. 621 0

Жаңалықтар мұрағаты

«    Қараша 2019    »
ДсСсСрБсЖмСбЖс
 123
45678910
11121314151617
18192021222324
252627282930