№5 кенттік кітапхананың ұйымдастыруымен Ы.Алтынсарин атындағы №204 мектепте «Ертегілер әлеміне саяхат» атты сайыс өтті. Сайыстың мақсаты – оқырманның сөйлеу мәнерін жаттықтырып, ертегі арқылы оқуға деген қызығушылығын арттыру. Оған 6 топ қатысып, 2 кезеңнен бақ сынасты.

Бірінші кезеңде киілмелі қуыршақ арқылы ертегіні рөлге бөліп сомдады. Екінші кезеңде кейіпкерді таңдап, қатысушы өз ойынан әңгіме құрастырды. Жарыста өнерімен тәнті еткен бастауыш сынып оқушылары марапатқа ие болды. Сайысқа 30 оқырман қатысты.