Қазалы аудандық сотында Қазақстан Республикасы ҚК-нің 24-бабының 3-бөлігі, 188-бабының 2-бөлігінің 3-тармағымен айыпталған сотталушы А.-ға қатысты қылмыстық іс қаралды.

Іс құжаттарына сәйкес, сотталушы А. жәбірленуші Б.-ның сарайына кіріп жалпы кұны 43000 теңге тұратын «STELS» маркалы велосипедін ұрлаған. Алайда, өзіне байланысты емес мән-жайлар бойынша қылмысын ақырына дейін жеткізе алмай Әйтеке би кенті, Қ.Сәтбаев көшесінің бойында полиция қызметкерлеріне ұсталған.

Басты сот талқылауында, сотталушы мен жәбірленуші «Медиация туралы» Заңының тәртібімен өзара татуласып, келісімге келіп, істі қысқарту үшін медиативтік келісімді сотқа ұсынды.

Сот қаулысымен азамат А. ҚР ҚК-нің 68-бабының 1-бөлігіне сәйкес тараптардың медиация тәртібімен татуласуларына байланысты қылмыстық жауаптылықтан босатылып, қылмыстық іс өндірістен тоқтатылды.

Қаулы заңды күшіне енбеген.