Мектеп жанындағы интернат пен студенттік жатақхананың мониторинг жүргізілді
Аудандық партия филиалы жанындағы Партиялық бақылау комиссиясының төрағасы Әділбек Сарабеков бастаған комиссия мүшелері «Бақытты отбасы» партиялық жобасы шеңберінде аудан орталығындағы колледж жатақханалары мен мектеп жанындағы интернаттардың жағдайымен танысып, мониторинг жұмыстарын жүргізді.Ең алдымен аманаттықтар Қазалы көлік-техникалық колледжінің жатақханасын көруден бастады. Мониторинг барысында колледж қызметкерлері студенттер үшін қажетті жағдай жасалғанын, арнайы компьютерлік бөлмелер мен спорт залдың жұмыс жасайтындығын жеткізді. Сондай-ақ халық қалаулыларына ғимаратқа жөндеу қажеттігін де тілге тиек етті.
Мұнан соң комиссия мүшелері №70 орта мектебінде болып, мектеп жанындағы интернаттың жұмысымен танысты. Өз кезегінде аманаттықтар білім алушылар үшін жағдай толықтай жасалуы қажеттігін айтса, мектеп басшылығы қолданыстағы асханның тар екенін және интернатқа күрделі жөндеу қажет екенен тілге тиек етті.
Айта кетейік, мониторинг жұмыстарына аудандық партия филиалының Атқарушы хатшысы, комиссия мүшесі Нұрғиса Жалғасбаев, аудандық мәслихат депутаттары, комиссия мүшелері Нұркен Ботабаев пен Ерболат Мұхаш қатысты.
#AMANAT
