Аманаттықтар студенттік жатақханалардың жағдайымен танысты
Бүгін аманаттықтар аудандағы колледж жатақханаларының жағдайымен танысып, партиялық бақылау құрамымен мониторинг жүргізді. Партия филиалының төрағасы Ғазиз Әліш, филиал Атқарушы хатшысы Нұрғиса Жалғасбаев және Партиялық бақылау комиссиясының төрағасы Әділбек Сарабеков ең алдымен Қазалы көлік-техникалық колледжінің жатақханасын көруден бастады.Колледж директоры Болат Ахметов жатақхананың жағдайы жайлы айтып берді. Ол өз сөзінде студенттер үшін қажетті жағдай жасалғанын, сондай-ақ арнайы компьютерлік бөлмелер мен спорт залдың жұмыс жасайтындығын жеткізді. Және халық қалаулыларына ғимаратқа жөндеу қажеттігін де тілге тиек етті.Аманаттықтар барған екінші жатақхана Қазалы аграрлы-техникалық колледжінікі болды. Мониторинг барысында «AMANAT» фракциясының мүшелері студенттермен пікірлесіп, білім алушылардың жақсы жағдайда оқуына еш кедергі жоқ екенін анықтап, колледж басшылығына бұл бағыттағы жұмыстар жалғаса беру қажеттігін айтты. Сондай-ақ жыл сайынғы дәстүрлі мониторинг жұмыстары алдағы айларда да жалғаса беретіндігін жеткізді.
#AMANAT
