Рұқсатсыз қару сақтағаны үшін әкімшілік жазаға тартылды
Қазалы аудандық сотында Қазақстан Республикасы Әкімшілік құқық бұзушылық туралы Кодексінің (бұдан әрі - ӘҚБтК) 482-бабының 1-бөлігімен С.-ға қатысты әкімшілік іс қаралды.Сотта анықталғандай, С. өз үйінде құқық қорғау органдарында тiркелмеген қос ұңғылы аңшы қаруын заңсыз сақтаған.
Сот қаулысымен С. Қазақстан Республикасы ӘҚБтК-нің 482 бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, оған осы баппен қару мемлекет пайдасына тәркілене отырып, 48 300 теңге әкімшілік айыппұл салынды.
Қазалы аудандық сотының баспасөз қызметі
