Жеңімпаздар анықталды
Қазалы қаласындағы Ғани Мұратбаев атындағы 17 орта мектебінде "Жасай бер, жайна, Қызылордам!" атты Қызылорда қаласының 205 жылдық іс-шара жоспары аясында, жеңгесі мен қайынсіңлісінің қатысумен "Күз ханшайымы-2023" байқауы 3-4 сынып оқушыларының қатысуымен өткізілді. Мақсаты – "Даналық мектебі" жобасын іске асыру мақсатында жеңге мен қайынсіңлісінің арасындағы сыйластық, құрмет, пікір алысу, бірлескен жұмыс түрлерін көрсету.
Нәтижесінде бас жүлдеге 4-сынып оқушысы Жетербай Кәусар, жеңгесі Қыстаубай Назерке; бірінші орынға 3-сынып оқушысы Серғазы Аянат, жеңгесі Бөкебай Мөлдір; екінші орынға 4-сынып оқушысы Әбдікемал Аяла, жеңгесі Оңдас Ұлболсын; үшінші орынға 4-сынып оқушысы Қойшыбай Нұршуақ, жеңгесі Кенжебаева Жансая ие болды. Осы байқауға демеушілік жасаған Қазалы қаласындағы "Нұрбек" сауда орталығына ұйымдастырушылар алғыс білдірді.
Іңкәр СЕРІКҚЫЗЫ
