Ұстазы жақсының, ұстамы жақсы
Қазалы ауданының әкімі Мұхтар Оразбаев пен аудандық мәслихат хатшысы Бақытжан Жарылқап «Елбасы медалі» жобасында қола медальға қол жеткізген шәкірттер мен олардың ұстаздарына құрмет көрсетті.Аудандық білім бөлімінде өткен шарада аудан әкімі Мұхтар Оразбаев оқушыларды білім саласындағы қомақты табыстарымен құттықтап, жылы лебізін білдірді.
Мұнан соң білім сайысында үздік атанған оқушыларды «Елбасы медалімен» марапаттап, сый-сияпаттарды табыс етті.
Жоғары жетістікке жеткендердің қатарында Б.Мергенбаев атындағы №226 гимназиясының 11-сынып оқушысы Жаннұр Амангелді, Б.Мергенбаев атындағы №226 гимназиясының 9-сынып оқушылары Айдана Шакизада мен Ақерке Нұртай, №170 орта мектептің 11-сынып оқушысы Гүлсезім Бимырза, Е.Бозғұлов атындағы №249 мектеп-лицейінің 9-сынып оқушысы Меруерт Ашықбай, Ы.Алтынсарин атындағы №204 мектептің 11-сынып оқушысы Аружан Ерғалиева, Қ.Күлетов атындағы №92 орта мектептің 9-сынып оқушысы Аида Тұрсынбай бар.
Салтанатты шара барысында Әйтеке би кентіндегі №170 орта мектептің 11-сынып оқушысы Гүлсезім Бимырза сөз сөйлеп, үздік атанған оқушылардың атынан ризашылығын білдірді.
"ҚАЗАЛЫ" ақпарат
