Қылмыстық іс медиация тәртібінде қысқартылды

Қазалы аудандық сотында сотталушы А.–ны Қазақстан Республикасының ҚК-нің 24-бабы 3-бөлігі, 188-бабының 1-бөлігімен айыптау бойынша қылмыстық іс қаралды.

Іс құжаттарына сәйкес, сотталушы А. жәбірленуші П.-ның кәмелетке толмаған баласы Н.-ның "Алтын ана" мейрамханасының жаңында тұрған құны 10 000 теңге болатын велосипедін ұрлап, Әйтеке би кенті, Аймауытов көшесінің бойында тұрған жерінен полиция қызметкерлері ұстап алып, қылмыстық әрекетін өзіне байланысты емес мән-жайлар бойынша ақырына дейін жеткізе алмай ұрлық жасауға оқталғаны анықталды.

Басты сот талқылауында сотталушы А. тағылған айып бойынша кінәсін толығымен мойындады. Сонымен қатар, сот мәжілісінде сотқа тараптардың медиация нәтижесінде өздері қол жеткізген жазбаша келісімі, яғни дауды реттеу туралы келісім келіп түсті.

Сот қаулысымен Қазақстан Республикасы ҚК-нің 24-бабы 3 -бөлігі, 188-бабының 1-бөлігімен айыпталған А.-ға қатысты қылмыстық ісі ҚР ҚК-нің 68 -бабы 1-бөлігімен, жәбірленушінің сотталушымен татуласуы негізінде медияция тәртібінде қылмыстық жауаптылықтан босатылып, өндірістен қысқартылды.

Қаулы заңды күшіне енбеген.