Қызылқұмда құрылыс қарқын алды
Кеше аудан әкімі Мұхтар Оразбаев пен аудандық мәслихат төрағасы Ғазиз Әліш шалғайдағы Қызылқұм ауылдық округіне барып, құрылыс нысандарының қарқынын көрді.Аудан басшысы ең әуелі елді мекенде жаңадан бой көтеріп жатқан 100 орындық клубқа аялдады. Жұмысқа жауапты мердігер мекеме мамандарымен кездесіп, құрылыс қарқынының баяулығын қатаң сынға алды. Сонымен қатар, құрал-жабдықтан тапшылық болмауын ескертіп, жұмысты жеделдету үшін қызметкерлерді көптеп жұмылдыру қажет екенін айтты.
Мұхтар Әуесұлы мұнан соң округтегі дәрігерлік амбулаторияның құрылысымен танысты. Осындай ғимарат Кәукей ауылынан бөлек, Бозкөл мен Абай ауылдарында салынып жатқанын жеткізген аудан басшысы нысанды тез арада ел игілігіне беруді тапсырды.
Айта кетейік, 100 орындық клубқа жауапты мердігер – «SCS Инжиниринг» ЖШС болса, дәрігерлік амбулатория «Аман-Құрылыс» ЖШС-не жүктелген.
"ҚАЗАЛЫ" ақпарат
