Қылмыстық іс бұйрықтық іс жүргізу тәртібімен қаралды

Қазалы аудандық сотымен Қазақстан Республикасы ҚК-нің 340-бабының 1-бөлігімен сотталушы А.-ға қатысты қылмыстық іс бұйрықтық іс жүргізу тәртібімен қаралды.

Іс құжаттарына сай, сотталушы А. Қазалы ауданы, Пірімов ауылында жерде өсіп тұрған орман қорына кірмейтін ағаштар мен бұталарды, яғни сексеуілді заңсыз кесіп алып, мемлекетке 36 075 теңге зиян келтірген.

Сотқа дейінгі тергеп- тексеру барысында азамат А. аталған қылмыстық теріс қылық жасаудағы өз кінәсінің қолда бар дәлелдемелеріне дау айтпай, өз әрекеттерінің саралануына келісіп, іс бойынша дәлелдемелерді зерттемей, өзін істі сотта қарауға шақырмай және қатысуынсыз, бұйрықтық іс жүргізу тәртібімен қарауға келісімін берді.

Сот үкімімен сотталушы А. Қазақстан Республикасы ҚК-нің 340-бабының 1-бөлігімен кінәлі деп танылып, оған 25 айлық есптік көрсеткіш мөлшерінде 60125 тенге айыппұл түрінде жаза тағайындалды.

Үкім заңды күшіне енген жоқ.