27 жастағы Жаңақорғандық азамат жұмыс орнында басы айналып, есінен танып қалған. Тексере келе одан менингококты вирус табылды.

Қазір науқас Жаңақорған аудандық ауруханасында жатыр. Дәрігерлер оның жағдайы ауыр екенін айтуда. Тіпті бір тәулік бойы өздігінен тыныстай алмай, жасанды дем беретін аппаратқа қосулы болған. Қайта бүгін беті бері қарап, одан ажыратты. Жұқпалы дерттің жайылып кетпеуі үшін мамандар аудандағы барлық үйді аралап жүр. Дереу екпе алуға үгіттеп жатыр. Ал вирус жұқтырған науқаспен байланыста болған 15 адам дәрігерлер бақылауында. Жақсылық Абдулсаметов, Қызылорда облыстық денсаулық сақтау басқармасы басшысының орынбасары: -Жұмыс орнынан 11 азамат, отбасынан 4 азамат қарым-қатынаста болған болып бақылауға алынды. Қазіргі таңда отбасындағы бір мүше алдын алу шараларын ұйымдастыру үшін жұқпалы аурулар бөліміне бақылауға жатқызылды.