Ашхабадта халықаралық көлік конференциясы өтеді
Илон Маск және Джек Маның компаниялары Ашхабадта өтетін ІТТС 2023 халықаралық көлік конференциясына қатысады, деп хабарлайды baq.kz.Түрікменстан астанасында өтетін «Халықаралық көлік-транзиттік дәліздер: өзара байланыс және даму 2023» (ІТТС 2023) екінші халықаралық конференциясы және көрмесіне қатысатындар саны артып келеді.
Енді делегаттардың қатарында Илон Масктың SpaceX және Джек Маның Alibaba компаниясының өкілдері де бар. Көрме 3-4 мамырда Ашхабадта өтеді.
Конференцияның мақсаты – пандемиядан кейінгі қалпына келтіру және Халықаралық тасымалдар саласындағы жаңа жағдайларға бейімделу, тиімді халықаралық көлік-транзиттік дәліздерді дамыту, көлік кешеніндегі инфрақұрылымдық мүмкіндіктер: автобандар, халықаралық теңіз порттары, әуежайлар және теміржол вокзалдары бойынша өзекті мәселелерді талқылау.
Бүгінде конференцияға қатысу үшін әлемнің 40 елінен 500-ден астам делегат тіркелді.
