Бүгін еліміздің басым аумағында жауын-шашын болады
Синоптиктер 21 қарашаға арналған ауа райы болжамын жариялады, деп хабарлайды Azattyq Ruhy.«Атмосфералық фронттардың өтуіне байланысты Қазақстан Республикасының басым бөлігінде тұрақсыз ауа райы сақталады, жаңбыр мен қар түрінде жауын-шашын, солтүстігінде, шығысында, орталығында қар жауады», - делінген «Қазгидромет» хабарламасында.
Республика бойынша тұман, көктайғақ болады, оңтүстігінде, оңтүстік-шығысында жел күшейіп, шығысында, орталығында жаяу бұрқасын болады.
Қарағанды облысының солтүстігінде, шығысында, орталығында қатты қар, Түркістан, Алматы облыстарының таулы аудандарында қатты жауын-шашын жауады.
Астанада қар жауады, жел секундына 2-7 метрге жетеді. Ауа температурасы күндіз -6-8, түнде -17-19 градус болады.
Алматыда жаңбыр жауады, жел секундына 3-8 метр болады. Ауа температурасы күндіз +8+10, түнде +2+4 градус болады.
Шымкентте де жаңбыр жауады, жел секундына 8-13 метрге жетеді. Ауа температурасы күндіз +9+11, түнде +3+5 градус болады.
