Бүгін еліміздің басым аумағында жаңбыр жауады
Сәрсенбіге арналған ауа райы болжамыСиноптиктер 19 қазанға арналған ауа райы болжамын жариялады, деп хабарлайды azattyq-ruhy.kz.« Атлантикалық циклон ойпатының ықпалымен және атмосфералық фронталды бөліктердің өтуіне орай Қазақстанның басым бөлігінде жауын (жаңбыр, қар) жауады», - делінген «Қазгидромет» хабарламасында.
Жамбыл облысының оңтүстігінде және таулы аудандарында нөсер жауын (жаңбыр, қар) жауады.
Тек Ұлытау, Қызылорда, Маңғыстау облыстары антициклон сілемінің әсерінен жауын-шашынсыз ауа райы болады.
Республиканың басым бөлігінде тұман, кей жерлерінде жел жылдамдығы 15-20 м/с, ҚР солтүстігінде, солтүстік-батысында 23-25 м/с жетеді.
Астанада бұлтты, күндіз жаңбыр жауады. Оңтүс«тік-батыстан соғатын жел түнде 3-8, таңертең және күндіз 9-14, екпіні 15-20 м/с жетеді. Ауа температурасы түнде 0+2, күндіз +8+10 болады.
Алматыда көшпелі бұлт шығады, жаңбыр жауады. Түнде және таңертең тұман болады. Солтүстік-шығыстан секундына 3-8 метр жылдамдықпен жел соғады. Ауа температурасы түнде +5+7, күндіз +11+13 болады.
Шымкентте көшпелі бұлт шығады, өткінші жаңбыр жауады. Солтүстік-батыстан соғатын жел батыстан секундына 8-13 метрге жетеді. Ауа температурасы түнде +3+5, күндіз +12+14 градус жылы болады.
