99 жастағы ҰОС-ның ардагері дауыс берді
Бекарыстан би ауылында тұратын 99 жастағы Ұлы Отан соғысының ардагері Қабақ Смағұл да аудан тұрғындарынан қалыспай дауыс берді.– Бүгін біздер үшін маңызды күн. Бұл күн еліміздің болашағын айқындайды. Бұған дейінгі сайлаулардан да еш қалып көрген жоқпын. Меніңше, әр тұрғын мұндай жауапты кезде бейжайлық танытпауы тиіс. Бүгін балаларым мен немерелерімнің болашағы үшін дауыс бердім. Бастысы, елімізде тыныштық, соның құнын білуіміз тиіс. Сол үшін ойланып, саралап, өлшеп, екшеп, ел болашағы үшін таңдау жасадым, – дейді қарт майдангер.
Ең қарт сайлаушыға белсенділік танытқаны үшін 84-ші сайлау учаскесі тарапынан ардагерге шапан жауып, сый-құрмет көрсетті.
#Қазалы
