Атадан мал қалғанша, тал қалсын
Ғ.Мұратбаев ауылдық округінде көктемгі көгалдандыру-көркейту мен санитарлық-тазалыққа арналған екі айлық үлгілі жүргізілуде. Ортақ шараға ауыл әкімінен бастап мекеме басшылары мен қызметкерлері, ауылдың үлкендері және жастары түгел қатысуда.Әрбір тұрғын өз аулалары мен үй іргелік жерлерін тазалап, үйлердің сыртын әктеп, су жүретін арықтардың ішін тазалап, «Атадан мал қалғанша тал қалсын» деген даналықты берік ұстанып отыр. Көшелерге, мекеме жанына көшеттер отырғызылып, аяқ су жолдары қоршалуда. Сонымен бірге көлдерге, мал жайылымына су жолдарын ашып, дайындық жасалуда.
Ғ.Мұратбаев ауылдық округінде 17 көше бар. Осылар мекемелерге бөлініп, тазалығы бақылауда ұсталады. Ауыл әкімшілігінің ұйымдастыруымен «Үздік көше», «Үздік аула» номинациялары бойынша сайыстар өткізіліп, жыл соңында бағалы сыйлықтар тапсырылады. Тағылымды шара биыл да жалғасын табады.
Ерасыл ДӘСТЕН
