Аудан әкімі қорасы өртенген тұрғындармен кездесті
Соңғы екі тәуліктің ішінде Ғани Мұратбаев атындағы ауылда 6 өрт оқиғасы тіркеліп, тұрғындарға зиянын келтіруде.Кеше елді мекеннің Қуандық әулие көшесіндегі 2 тұрғынның қорасы өртке оранса, бүгін Қуандық әулие және Қорқыт ата көшелерінен тағы да 4 қора өртенді. Барлық үйдегі қоралар түгелімен өртеніп, қысқа түсіріп қойған шөптері жанып кеткен.
Қазіргі таңда барлық өрт толығымен өшіріліп, жағдай бақылауға алынған. оқиға орнында 3 «Камаз» жүк көлігі мен 1 погрузчик техникасы тазарту жұмыстарын жүргізуде.
Бүгін аудан әкімі Мұхтар Оразбаев Ғ.Мұратбаев ауылына арнайы барып, тұрғындармен кездесті. Тиісті сала басшыларына өрт оқиғасынан зардап шеккен тұрғындарға жан-жақты көмек көрсетуді тапсырды.
Аудандық төтенше жағдайлар бөлімінің бастығы Алтынбек Қалиев пен аудандық полиция бөлімінің бастығы Болат Кабизов өрттен зардап шеккендер жоқ екенін айтып, өрттің шығу себептері анықталып жатқанын жеткізді.
#Қазалы
