Аманаттықтардың партия тұғырнамасына сәйкес ұсыныстары тыңдалды
Мемлекет басшысы Қасым Жомарт Кемелұлы Тоқаев партияның кезектен тыс XXII Съезінде партияға жаңа тұғырнама қажеттігін атап өтті. Осы ретте «AMANAT» партиясы өңірлерде бірқатар кеңестер өткізіп, партияның жаңа саяси тұғырнамасын әзірлеу жұмыстарын бастап кетті.Бүгін аудандық партия филиалының мәжіліс залында партияның жаңа саяси тұғырнамасы бойынша ұсыныс-пікірлер тыңдалып, жиын барысында талқыланды.
Жиында аудандық партия филиалының Атқарушы хатшысы Нұрғиса Жаппарбергенұлы сөз алып, стратегиялық құжаттың уақыт ағымына сай, сапалы, терең әрі жан-жақты болуы саяси бірлестіктің нәтижелі жұмыс істеуіне тікелей ықпал ететіндін атап өтті.
Талқылау барысында қатысушылар тарапынан да бірқатар ұсыныс-пікірлер айтылды. Атап айтқанда саяси құжаттың мәтіні қысқа, қарапайым және әрбір азаматқа түсінікті тілде жазылуы, жастарға түсінікті әрі қызықты болуы, халық үніне құлақ асатын естуші партия және экономикалық даму т.б. тақырыптарда ұсыныстар берілді.
Айта кетейік, саяси тұғырнама жобасын әзірлеу үшін көпшіліктің талқылауына ұсынылып, пікірлер жинақталған соң партияның ақпараттық ресурстарында жарияланып, жақын күндері өтетін республикалық партия конференциясында қабылдануы жоспарлануда.
#AMANAT
