Тың жаңалыққа толы
Биылғы Жолдау халық үніне құлақ асатын жаңа Қазақстан құрылып жатқандығын байқатты. Мемлекет басшысы соңғы жарияланған құжатта елдің көкейінде жүрген қиындықтар мен оларды шешу жолдарын анық айтты. Сұлулығына әлем таңдай қағатын БАӘ сияқты балаларымызға арналып ұлттық қордан ақша бөлініп отыратын бағдарлама іске қосылатындығы қатты қуантты. Келешекте жастарымыз жиналған қаражатқа сүйене отырып сапалы білім алады, өз баспанасына қол жеткізеді.Сол сияқты бұған дейін әйел адамдар бірнеше рет зейнет жасына қатысты наразылық білдірген болатын. Президент бұл сұрақтың да нүктесін қойды. Сондай-ақ, бала күтіміне арналған төлем 1,5 жылға дейін ұзартылды. Ең төменгі жалақы да 60 мыңнан 70 мың теңгеге дейін көтеріледі. Мемлекет басшысының барлық Жолдауының басты мақсаты халықтың әл-ауқатын арттыру екендігі марқайтады. Ең бастысы күннен күнге экономикалық қиындықтың түйіні тарқатылып, мемлекеттің халыққа жанашырлығы шындап сезіліп келеді.
Төребек ИГІЛІКОВ,
аудандық мәслихат депутаты
