ҚР Еңбек кодексіне сәйкес жұмыс берушілер жұмыскерлерге ең төменгі жалақыдан төмен емес деңгейде жалақы беруге міндетті. Соның арқасында әртүрлі меншік нысанындағы кәсіпорындарда барлық салада еңбек ететін 70 мың теңгеге дейінгі жалақысы бар 1,8 миллионға жуық қызметкердің ақшалай кірісі артады.

Еңбек және халықты әлеуметтік қорғау министрлігінің баспасөз қызметі

Еңбек министрлігі атап өткендей:

Ең әуелі ең төменгі жалақының өсуі "төмен жалақы алатын" жұмысшыларға әсер етеді;

Екіншіден, жалақыны белгілеу кезінде ең төменгі жалақы көрсеткішін пайдаланатын жұмыс берушілер біліктіліктің санат аралық жүйесін ескере отырып, жұмысшылардың басқа санаттарының жалақысын да қайта қарайтын болады.

Бұл ретте мемлекет басшысы үкіметке ең төменгі жалақыны кезең-кезеңімен арттыруға мүмкіндік беретін жаңа әдістемені енгізуді тапсырды.

Осы тапсырманы орындау мақсатында Еңбек және халықты әлеуметтік қорғау министрлігінің мамандары динамикалық көзқарасқа негізделген және негізгі экономикалық көрсеткіштерді ескере отырып, ең төменгі жалақыны анықтау әдістемесін әзірлеуге кірісті.

ҚР Еңбек және халықты әлеуметтік қорғау министрлігінің баспасөз қызметі

Ең төменгі жалақы еңбек саласындағы ең төменгі әлеуметтік стандарт және "Республикалық бюджет туралы" ҚР Заңымен тиісті қаржы жылына белгіленеді.

1 қыркүйекте Қазақстан президенті Қасым-Жомарт Тоқаев парламент палаталарының бірлескен отырысында Қазақстан халқына Жолдауын жариялады. Мемлекет басшысы елімізде ең төменгі жалақыны 70 мың теңгеге дейін көтеретінін айтты.

2 қыркүйекте Еңбек министрлігі Қазақстанда зейнетақының қалай өсетінін және 2023 жылдан бастап жәрдемақылар мен төлемдердің қалай өзгеретінін айтып, әйелдердің зейнет жасын қысқарту туралы мәліметтерді жариялады.