Қазалы аудандық сотының судьясы Г.Тиштикбаева сотта қаралған қылмыстық іс бойынша БАҚ өкілдеріне брифинг өткізді.

Қазақстан Республикасы ҚК-нің 188-бабының 2-бөлігінің 2),3) тармақтарымен сотталушы А., бөтеннің мүлкін жасырын жымқыру мақсатында жәбірленушілер Ж., Ш., Ж., Л., Б., М.-ның тұрғын үй-жайларына заңсыз кіріп, алтын, күміс әшекей бұйымдары мен ақшаларын жасырын жымқырып, ұрлаған.

Сот үкімімен сотталушы А. ҚР ҚК-нің 188-бабының 2-бөлігінің 2),3) тармақтарымен кінәлі деп танылып, оған 2 жыл 6 ай мерзімге бас бостандығынан айыру жазасы тағайындалды. Сотталғанға қатысты Қазалы аудандық сотының 31 шілде 2017 жылғы үкімінің өтелмеген бөлігін ҚР ҚК-нің 60-бабының 1- бөлігінің талабына сай ішінара қосып, түпкілікті оған осы баппен 3 жыл 1 айға бас бостандығынан айыру жазасы тағайындалды.

Брифинг соңында БАҚ өкілі қылмыстық іс бойынша сауалдар қойып, қойған сауалдары бойынша нақты жауаптарын алды.

Сот үкімі заңды күшіне енбеген.