Ұлттық банк базалық мөлшерлемені 14 пайыз деңгейінде сақтап қалды
Ұлттық банктің Ақша-кредит саясаты жөніндегі комитеті базалық мөлшерлемені +/– 1 пункт дәлізді сақтай отырып, 14 пайыз деңгейінде белгіледі. Банк мәліметінше, мұндай шешім қысқа және орта мерзімді кезеңде инфляция тәуекелдерінің балансын, сондай-ақ Ұлттық банктің жаңартылған болжамдарын ескере отырып қабылданды, деп хабарлайды Экспресс К.
Жақын арада экономикада аса қатты қауіп-қатерлер болмаса, базалық мөлшерлеменің осы деңгейі 2024 жылға қарай инфляцияны азайтуға көмектеседі. 2023 жылғы еліміздегі ақша-кредит жағдайы инфляциялық процестердің баяулауына қарай қалыпқа келе бастайды, — деп хабарлайды Ұлттық банк.
Ұлттық банктің Ақша-кредит саясаты жөніндегі комитетінің базалық мөлшерлеме бойынша кезекті шешімі 25 шілдеде Нұр-Сұлтан уақыты бойынша сағат 15:00-де жарияланатыны хабарланды.
Ұлттық банк 25 сәуірде базалық мөлшерлемені 13,5-тен 14 пайызға дейін көтергенін еске сала кетейік.
Бұған дейін Қазақстан шекарасынан заңсыз ақша шығармақ болған шетелдіктер ұсталған еді.
