Қазалы Қазалы аудандық қоғамдық-саяси газет
» » Жұмыссыздықты жою – жауапты іс

Жұмыссыздықты жою – жауапты іс

Жұма күні аудан әкімі Мұрат Ергешбаевтың төрағалығымен аппарат мәжілісі өтті. Жиынға кент, қала және ауылдық округ әкімдері, мемлекеттік-коммуналдық мекеме басшылары қатысып, кәсіпкерлікті дамыту, тұрғындарды жұмыспен қамтуды заңдастыру жобасын жүзеге асыру және мамыр айындағы мерекелерді атап өту мәселелері талқыланды.
Бұдан соң аудан әкімдігі мәжілісінің күн тәртібі бойынша Ұлттық бірыңғай тестілеуге дайындық барысы туралы аудандық білім бөлімі басшысының міндетін атқарушы Батырбек Тәңірберген­ов, көктемгі егіске дайындық шара­лары жайында аудандық ауыл шаруа­шылығы бөлімі басшысының міндетін атқарушы Файзулла Бердалиев хабарлама жасады. Онда аталған салалар бойынша алдағы тұрған міндеттер ортаға салынды. Кейбір ортақ іске қолбайлау болатын жайттар да назардан тыс қалмады.
Мәжілісті қорытындылай келе аудан әкімі ауылдық округтердегі кәсіпкерлердің белсенділігін арттыру, «Өндірістік аймақтағы» жобаларды іске асыру, халықтың әлеуметтік жағдайын арттыруға арналған жобаларды жүзеге асыру ісін жандандыруды тапсырды. Сонымен қатар, алдағы үш ай уақыт ішінде Сарыбұлақ, Бозкөл сияқты бірқатар ауылдық округ әкімдері елді мекендердегі жұмыссыздық мәселесін шешіп, шілде айының біріне дейін атқарылған жұмыстар туралы толық мәліметтер беруі тиіс екендігін ескертті.

Ринат ӘБДІҚАЛЫҚ
17 сәуір 2018 ж. 194 0

Жаңалықтар мұрағаты

«    Желтоқсан 2018    »
ДсСсСрБсЖмСбЖс
 12
3456789
10111213141516
17181920212223
24252627282930
31