Бүгін – ғылым саласы қызметкерлерінің күні
Бүгін Ғылым саласы қызметкерлерінің күні. Айтулы мереке 2011 жылы Президенттің жарлығымен бекітілген болатын, деп хабарлайды «Хабар 24».Күнтізбеге айтулы датаның 12 сәуірге белгіленуі тегін емес. Дәл осы күні қазақтан шыққан ұлы академик, Қазақстан ғылым академиясының тұңғыш президенті Қаныш Сәтбаев дүниеге келген. Ол басқарған мекеме отандық ғылым саласының қалыптасуына негіз болды. Содан бері 76 жыл өтті. Қазақстандық ғалымдардың тың жаңашылдықтары түрлі салалардың дамуына оң ықпалын тигізіп келеді.
