Жаңа бастама – тың көзқарас
Ағымдағы жылдың 1 наурызы күні партияның кезектен тыс XXII съезі өткенін баршаңыз білесіздер. Бұл съездің ерекшелігі партия атауын өзгерту болды. Фракция жетекшісі Ерлан Қошановтың ұсынысымен, Мемлекет басшысы, партия төрағасы Қасым-Жомарт Кемелұлы Тоқаевтың шешімімен «Nur Otan» партиясының атауы «AMANAT» деп өзгертілді.Аманат сөзінің мағынасы тереңде. Бұрынғы ата-бабаларымыз аманат ұғымының астарында сар¬қылмас сауап пен тарқамас жақсылық жатқанын жақсы білген. Тіптен шариғатта ер азаматқа мал-мүлкі, бала-шағасы оған аманат делінген. Сондықтан да аталарымыз «аманатқа қиянат жүрмейді» дейтін бұлжымас қағиданы өз өмірлеріне темірқазық етіп ұстанған. Осы орайда партиямыздың жаңа атауымен қатар партияның жаңаша бағыттағы жұмыстары, жаңа төрағамыз жүктеген міндеттер, жаңа Қазақстанды құру жолындағы жаңаша реформа еліміздің өсіп-өркендеуіне, халқымыздың әл-ауқатының артуына орасан зор септігін тигізетін болады. Жаңа Қазақстанда жұмыс форматы мен идеологиясы жаңарған партия ғана бәсекеге қабілетті бола алады. Барлық партиялас әріптестерімді жаңаша бағыттағы партия жұмысына атсалысуға шақырамын.
Төребек ИГІЛІКОВ,
Қазалы аудандық мәслихатындағы«Nur Otan» партиясы
депутаттық фракциясының мүшесі
