Балалар арасында сырқаттанғандар көп
Қазақстанда тұмау және ЖРВИ-мен ауырғандардың өсуі байқалады. Денсаулық сақтау министрі Ажар Ғиният Үкімет отырысында тұмау және басқа да ЖРВИ ауруларын жұқтырғандардың жыл сайынғы өсуі туралы мәлімдеді, деп хабарлайды Экспресс К.
"Қазіргі уақытта бүкіл республика бойынша А тұмауы вирусының айналымы байқалады, зертхана деңгейінде тұмаудың 500-ден астам жағдайы анықталды. 2019 жылғы эпидемиологиялық маусыммен салыстырғанда сырқаттанушылық 1,2 есе өсті, соңғы аптада сырқаттанушылықтың жоғары деңгейі сақталуда, бұл ретте балалар арасында сырқаттанушылық 13% — ға ұлғайды", — деді министр
Ол аурудың белгілері пайда болған кезде үйде болып, басқалардан оқшаулану және уақтылы медициналық көмекке жүгіну керектігін атап өтті.
