«Мен саған есірткі жайлы айтып беремін!»

Нашақорлық – бұл есірткіні қолданудан туындаған созылмалы ауру. Есірткі – белгілі бір сәтте адамның өмірін басқа бағытқа бұратын жаман әдеттердің бірі. Оның әсерінен адам мас, алдамшы, психикалық ауруға айналады. Тәуелділік бүкіл ағзаның жұмысын бұзады. Кейінірек адамның ойы мен санасы бұзылады. Ол жас балаларды қызықтырады және көптеген адамдардың өмірін бұзады. Есірткінің бағасы қымбат. Оны сатушылар үлкен пайда табады. Алғашында есірткі ақысыз беріледі, бірақ егер сіз бұған тәуелді болсаңыз, онда қалта жұқаратыны анық. Есірткі қолданатын адам өзінің армандарын, мақсаттарын, достарын және тіпті ата-анасын ұмытып кетеді. Бұл әдетке айналады. Тәуелділік адам санасын басқара отырып қайта-қайта талап етеді. Жетілу, білім алу және жаңа белсенді өмірлік ұстанымды игеру арқылы, біз нағыз салауатты да сауатты адамдар боламыз. Нәтижесінде біздің өміріміз қызықты, әрі қанық болады. Біздің ата-аналарымыз өз баласын жақсы тәрбиелеуге тырысады, нәтижесінде біз сол тәрбиеге сай болуымыз қажет.

Мен әлі оқимын, армандаймын, жетістікке жетемін, сондықтан мен дұрыс өмір сүру салтын таңдаймын. Біз жастар, бірге әрекет етуіміз керек! Азғындық пен немқұрайлылықпен күресіп, мейірімділіктің, махаббат пен сенімнің мәңгілік құндылықтарын нығайтуымыз қажет. Есірткінің адам өміріне қаншалықты зиянды екенін бәріміз түсінуіміз керек. Мен көшеде серуендеп, жарқын әлемде өмір сүргім келеді және болашақ үшін қорықпаймын. Есірткінің орнына спортпен шұғылданып, құнары мол тағамдарды пайдалануды қолдаймын. Есірткі – зұлымдық! Бұл нәрсені барлық адам түсінуі керек. Ең маңыздысы, уақытында «жоқ» деп тоқтау қоя білу. Рухымыздың мықты болуы шарт. Адам болу сіздің жеке басыңыздың көрінісі. Есірткі – бұл қорқыныш! Ақылды бол! Өмір – әдемі! Есірткісіз өмір керемет!

Мен жастарға жастар арасында өткір аурулардың алдын алу үшін инновациялық бағытта ақпараттық-ағартушылық іс-шаралар өткізуді ұсынар едім. Жастарымызға есірткісіз болса да, біз ертеңгі күнімізді таңғажайып сәттерге толы өткізе алатынымызды дәлелдейік! Егер сіз бақытты, сәтті, таңғажайып өмір сүргіңіз келсе, онда есірткі қабылдамаңыз және айналаңыздағы жандарға зияндығы туралы үн қосатын адам болыңыз. Сондықтан мен: «Есірткісіз өмірді насихаттаймын» деймін.

Қызылорда облысы, Қазалы ауданы, Әйтеке би кенті

№276 орта мектеп