Жастар кадр резерві – еліміздегі басқару жүйесін жаңғыртудың нақты тетігі және ұзақ мерзімді саясатының бірі. Яғни ел жастарына қоғамдық және әлеуметтік көмек жасаудағы негізгі қадамдардың көрінісі.

Президенттік жастар кадр резервіне қатысу талаптары өте қарапайым. Өтініш беруші 35 жастан аспауы тиіс және кемінде 5 жыл жұмыс өтілі болуы қажет. Құжаттарды қабылдау қыркүйек айының 30 жұлдызына дейін жүргізіледі. Президенттік жастар кадрлық резервіне pkrezerv.gov.kz сайты арқылы өтініш бере алады.

Бабы мен бағы қатар шапқан жастар қызметке қабылданса тәжірибесі мен біліктілігін мемлекеттік басқару ісінде қолданып, ерекше идеяларды іске асыра алады. Бастысы Мемлекет басшысы артқан сенім мен жүктеген міндеттерді толық орындап, еліміздің әлеуметтік-экономикалық дамуына өз үлесін қосатын болады.

Осыған орай қасиетті Қазалы ауданының білімді де білікті жастарын Президенттік жастар кадр резервінің кезекті іріктеуіне қатысуға шақырамын!