Әлемде коронавирустан қайтыс болғандар саны 4,5 миллионнан асты
Нұр-Сұлтан уақыты бойынша сағат 6.05-те әлемде COVID-19-дан көз жұмғандар саны 4 миллион 500 мың 135 адамға жетті, деп хабарлайды inbusiness.kz порталы «РИА Новости-ға» сілтеме жасап.
Джонс Хопкинс университетінің мәліметінше, әлемде коронавирустан қайтыс болғандар саны 4,5 миллионнан асқан. Пандемия басталғалы бері 216,3 миллион адам COVID-19 жұқтырған. Коронавирустан адам өлімі АҚШ-та ең көп тіркелген. Мұнда ауру салдарынан 637 мың адам қайтыс болды. Еске салайық, 2019 жылғы желтоқсанда Қытайдың Ухань қаласында COVID-19-ды жұқтырудың ең алғашқы дерегі тіркелген еді. 2020 жылғы 11 наурызда Дүниежүзілік денсаулық сақтау ұйымы әлемде коронавирус пандемиясын жариялады.