Тұрғындар өтініші тыңдалды
«Nur Otan» партиясы Қазалы аудандық филиалының қоғамдық қабылдау бөлмесінде аудан әкімінің орынбасары Сүйеубаев Жалғас Оңғарұлы бекітілген кестеге сәйкес тұрғындарды жеке мәселелері бойынша қабылдады.Қабылдауға Әйтеке би кенті әкімінің орынбасары, аудандық жер қатынастары бөлімі, аудандық тұрғын-үй коммуналдық шаруашылық, жолаушылар көлігі және автомобиль жолдары бөлімі, аудандық жұмыспен қамту орталығы, ауданаралық орталық ауруханасының басшылары мен мамандары қатысып, бірқатар мәселелер талқыланды.
Тұрғындар тарапынан түскен өтініштер жұмыспен қамту, жер телімдерін табыстау және тұрғын үй мәселелері төңірегінде болды. Көтерілген мәселелер аудан әкімі орынбасарының өз бақылауында болатындығы айтылды. Аталған өтініштер бойынша тиісті бөлім басшыларына тапсырма беріліп, бірқатар мәселе оң шешімін тапты.
"ҚАЗАЛЫ" ақпарат
