Аудандық партия филиалы төрағасы қоғамдық қабылдау өткізді
«Nur Otan» партиясы Қазалы аудандық филиалында аудан әкімі, аудандық партия филиалы төрағасы Оразбаев Мұхтар Әуесұлы азаматтардың жеке мәселелері мен өтініштері бойынша қабылдау өткізді. Қабылдауға Әйтеке би кенті әкімі, аудандық партия филиалы төрағасының бірінші орынбасары және бөлім басшылары қатысты.Жеке қабылдауға келген тұрғындар кәсіпкерлік мақсатта берілетін жер, тұрғын үй, денсаулық және жұмыспен қамту мәселелері бойынша өтініштерін білдірді. Аудандық партия филиалы төрағасы Оразбаев Мұхтар Әуесұлы тұрғындардың өтініштерін шешу мақсатында тиісті мекеме басшыларына тапсырмалар беріп, мәселе өз бақылауында болатынын жеткізді.
«ҚАЗАЛЫ» ақпарат
