Қазалы Qazaly.kz ақпараттық агенттігі
» » Жасыл желегі жайқалған ауыл

Жасыл желегі жайқалған ауыл

Әйтеке би кентіне жақын орналасқан Ғ.Мұратбаев ауылы көпшілікке өзінің жайқалған жасыл желегімен жақсы таныс. Елді мекен орталығындағы Шығыстың жарық жұлдызы атындағы Ғани Мұратбаев саябағы да көрікті мекен. Одан бөлек, ауылға кіре беріс жолдың екі шетіне де жас өскіндер егілген.

Бүгін аудан әкімі Мұхтар Оразбаев Ғани Мұратбаев атындағы ауылға барып, елді мекеннің тыныс-тіршілігімен танысты. Талдары қаз қатар тізілген саябақ пен көшелерге егілген көшеттерге оң бағасын беріп, бұл жұмыстар барлық ауылға үлгі болуы керектігін айтты.
Ғ.Мұратбаев ауылдық округінің әкімі Абай Рыстығұл жердің тұздылығына қарамай егілген ағашты көктету қажырлы еңбекті талап ететіндігін айтты.
Мұнан соң Мұхтар Әуесұлы ауылдық округ әкімі аппаратының ғимаратына соғып, бұған дейін жүргізілген жөндеу жұмыстарымен танысты. Бұл ғимарат табиғи газбен жылытылады.


Аудан басшысы Ғ.Мұратбаев ауылына сапары кезінде халық батыры Жанқожа Нұрмұхаммедұлының ұрпағы, көп жылдар Қызылқұмдағы батыр зиратының шырақшысы болған Иманғали Сағадин ақсақалға сәлем беріп, хал-жағдайын сұрады. Жасы 85-ке келген ақсақалдың иығына қазақы дәстүрге сай шапан жауып, құрмет көрсетті.
Өз кезегінде Иманғали Сағадин аудан әкімі Мұхтар Оразбаевтың жұмысына сәттілік тілеп, ақ батасын берді.
"ҚАЗАЛЫ" ақпарат
03 тамыз 2021 ж. 518 0

Жаңалықтар мұрағаты

«    Сәуір 2024    »
ДсСсСрБсЖмСбЖс
1234567
891011121314
15161718192021
22232425262728
2930