Қазалы Qazaly.kz ақпараттық агенттігі
» » Аудан әкімі сайлау учаскелерінің жұмысымен танысты

Аудан әкімі сайлау учаскелерінің жұмысымен танысты

Қазалы ауданында 25 шілде күні Өркендеу, Ғ.Мұратбаев және Қарашеңгел ауылдық округтерінің әкімдері сайланады. Осыған орай аталған округтерде сайлауға қызу дайындық жұмыстары жүргізіліп жатыр.

Бүгін аудан әкімі Мұхтар Оразбаев Өркендеу және Ғ.Мұратбаев ауылдық округтеріндегі №89, №64 сайлау учаскелерінде болып, алдағы сайлауды ұйымдастыру мен өткізуге байланысты дайындық жұмыстарымен танысты.

Аудан басшысына Өркендеу ауылдық округі бойынша сайлауалды шаралар жөнінде №89 учаскелік сайлау комиссиясының төрағасы Аманбай Орақбай түсіндіріп, маңызды науқанға жан-жақты әзір екендіктерін баяндады.

Аталмыш учаске тізімінде 787 сайлаушы тіркелген. Оның 102-і зейнеткер болса, 35 сайлаушы үйден дауыс бермек.


Ал Ғ.Мұратбаев ауылдық округіне жасаған жұмыс сапары барысында аудан әкімі Мұхтар Оразбаевқа №64 учаскелік сайлау комиссиясының төрағасы Дархан Алдабергенов сайлауға дайындық барысын баяндап берді.

Қос ауылдағы учаскелік сайлау комиссиясының мүшелері санитарлық талаптарға сай толықтай қорғаныш құралдарымен, қызу өлшегіш құрылғылармен және антисептиктермен қамтамасыз етілген.

Өркендеу және Ғ.Мұратбаев ауылдық округтеріндегі учаскелік сайлау комиссияларының жұмысына қаныққан аудан басшысы Мұхтар Әуесұлы алдағы сайлауда сәттілік тіледі.
Қазалы ауданының баспасөз қызметі 

24 шілде 2021 ж. 749 0

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930