Оқыту семинары өткізілді

Қатысушыларға №93 учаскелік сайлау комиссиясының Қазақстан Республи­касы Президентінің кезектен тыс сай­лауына даярлық барысы мен мате­риалдық-техникалық жарақтандырылу жағ­дайы таныстырылды.

Оқыту семинарын аудандық сайлау комиссиясының төрағасы Бектұр Қали ашып, бүгінгі басқосуда саяси науқанның негізгі тәртіп-талаптары түсіндірілетініне тоқталды.

Бұдан соң “Сайлау заңнамасы: қазір­гі тенденциялар (халықаралық тәжі­рибе)» тақырыбында аудандық сайлау комиссиясының төрағасы Бектұр Қали, “Қазақстан Республикасы Президентінің кезектен тыс сайлауында жүргізілетін ұйымдастырушылық дайындық жұмыстары туралы” аудандық сайлау комиссиясы төр­ағасының орынбасары Жаппарберген Жалғасбай, “Қазақстан Республикасы Президентінің сайлауын өткізу мен ұйымдастырудың ерекшеліктері туралы” облыстық сайлау комиссиясы төрағасының орынбасары Қожамжар Наурызбаев, “Сайлау туралы заңнаманы бұзғаны үшін жауапкершілік туралы” аудан прокурорының көмекшісі Бағлан Аймағамбетов, “Республика Президентінің сайлауындағы дауыс беру тәртібі мен дауыс беру қорытындылары туралы” аудандық сайлау комиссиясының хатшысы Мұратбай Әбубәкір, “Қазақстан Республикасының сайлау комиссиясының жүйесі туралы” Қазақстан Республикасы Президенті жанындағы мемлекеттік басқару Академиясы филиалының профессоры Ақза­да Мадалиева, “Электоратпен жұмыс істеу және дауыс беру күнделігі, сайлау комиссиялары мүшелерінің мінез-құлқы туралы” Қазақстан Республикасы Президенті жанындағы мемлекеттік басқару Академиясы филиалының кабинет меңгерушісі Ақмарал Турабаева дәрістемелік хабарлама жасады.

Семинар қорытындысында сайлау заңды­лықтарына байланысты тест алынды.

Оқыту семинарын облыстық сайлау ко­мис­сиясы төрағасының орынбасары Қ.Наурызбаев қорытындылап, сайлау күнін жоғары талаптар деңгейінде өткізуге шақырды. Сонымен бірге қойылған сұрақ­тарға түсінікті жауап қайтарылды.